Абай Құнанбаевтың өлеңдері мен қара сөздері

Асыл сөзді іздесең,
Абайды оқы, ерінбе.
Адамдықты көздесең,
Жаттап, тоқы көңілге, - деп Сұлтанмахмұт Торайғыров айтқандай. Оқушылардың Абай атамыздың өлеңдеріне деген қызығушылықтарын арттыру біздің міндетіміз. Сәуірдің он бесі күні 6"Б" сыныбында  қазақ тілі мен әдебиет пәнінен, мұғалімі  Бексултанова Самал Дауреновнаның "Абай Құнанбаевтың өлеңдері мен қара сөздері"- атты  ашық сабағы өтті. Оқушылар сабақтың барлық кезеңдерінде белсенділік пен ұйымшылдық көрсетті. Оқушылар  бір-бірлерін тиянақты тыңдап, интерактивті тақтадағы материалдарды, оқулықпен, жұмыс істеу барысында топ топқа бөлініп дұрыс қолдана білді. Сабақ тақырыбы бойынша оқушыларға өздігінен білім алуға жағдайлар туғызды, яғни, оқушылар туындаған проблемалық сұрақтарды алған білімдерін, дағдыларын қолдана отырып, жұмыс жасады.
Мұғалім, сабағының қорытындысында,- Ұлы Абай атамыздың он жетінші қара сөзін сахналап көрсеткізді. Қара сөзінің мазмұнын терең ашқызып, жүректі таза ұстау керектігін айтты. Қасиетті қара сөздерден ғибрат алып қана қоймай, өмірлік нұсқау алды оқушылар.